Baxadirov Nail Sharipovich haqida
1951 yil 8 aprelda Sirdaryo viloyati Guliston shahrida tug‘ilgan. 1966-1970 yillar Toshkent Davlat Hamza nomli musiqa bilim yurti xalq cholg‘ulari bo‘limining bayan - akkordeon sinfi bo‘yicha tahsil oldi. 1977-1982 yillar Moskva Davlat madaniyat institutida “Xalq cholg‘ulari orkestri” rahbari mutaxassisligi bo‘yicha tahsil olgan. 1980 yildan buyon ushbu ta’lim muassasasida o‘qituvchi sifatida muvaffaqiyatli faoliyat olib bordi. Buning natijasida quyidagi o‘quvchilari Respublika madaniyat, musiqa va san’at o‘quv yurtlari o‘quvchilari o‘rtasida o‘tkazilgan “Yosh ijrochilar” ko‘rik-tanlovida g‘oliblikni qo‘lga kiritdi: Djienbaev Ixtiyor 3-o‘rin, 1985 yil(Samarqand shahri), Ozbekov Jonibek 3-o‘rin, 2000 yil(Toshkent shahri), Alimseitov Lenur 3-o‘rin, 2005 yil (Buxoro shahri), Boymatov Asad 2-o‘rin, 2005 yil(Buxoro shahri), Karimov Ulug‘bek 3-o‘rin, 2013 yil(Toshkent shahri).
Nail Baxadirov o‘qituvchilik bilan bir qatorda bastakorlik sohasida ham mukammal ijodkor sifatida o‘zini namoyon qila oldi. Uning orkestr uchun yozgan, qayta ishlagan va moslashtirgan 350 dan ortiq asarlari bolalar musiqa va san’at maktablarining orkestrlarida, Respublika miqiyosida va boshqa mamlakatlarda hamda o‘quv yurtimizda ijro qilinib kelingan. U mohir dirijyor. Uning boshchiligidagi o‘quv yurtimizning Xalq cholg‘ulari orkestri quyidagi yutuqlarga erishdi:
– 1983 yil “Davramizga marhabo” O‘zbekiston televideniesi festivali sovrindori;
– 1989 yil Respublika ansambl va orkestrlar festivali laureati (3-o‘rin Toshkent sh);
– 1991 yil Butunittifoq ansambl va orkestrlar festivali Gran-pri sovrindori (Ukraina, Xmelniskiy shahri).
– 1994 yil Butunittifoq ansambl va orkestrlar festivali Gran-pri sovrindori (Ukraina, Donesk shahri).
– 2001 yil Xalqaro milliy cholg‘u ansambli va orkestrlar festivali “Toshkent bahori”; savrindor.
– 2001 yil o‘quv yurtimiz Xalq cholg‘ulari orkestriga chet mamlakatlarga konsert dasturlari bilan chiqish uchun sertifikat berildi;
– 2006 yil “Diyor ohanglari” O‘zbekiston televizion festivalida 1-o‘rin (Toshkent shahri).
Davlatimiz Nail Baxadirovni 2000 yil I-darajali “Sog‘lom avlod uchun” ordeni bilan mukofotladi hamda 2011 yilda Mustaqilligimizning 20 yilligi munosabati bilan “O‘zbekiston Respublikasi Mustaqilligiga 20 yil” ko‘krak-nishoni bilan taqdirladi.
– 2014 yil “Navro‘z sadolari” VII Respublika ko‘p ovozli milliy ansambllar va orkestrlar tanlovida Nail Baxadirov rahbarligida Guliston shahar 1-son bolalar musiqa va san’at maktabi xalq cholg‘ulari orkestri faxrli 1-o‘rinni, o‘quv yurtimizning xalq cholg‘ulari orkestri fahrli 3-o‘rinni egalladilar. Nail Baxadirovga ko‘rik-tanlovining “San’at yo‘lidagi fidoyiligi uchun ” maxsus diplomi topshirildi.
N.Baxadirovning o‘quvchilaridan Karimov Ulug‘bek 2015 yilda akademik litsey, madaniyat va san’at kollejlari o‘rtasida o‘tkazilgan “Yosh ijrochilar” ko‘rik-tanlovining respublika bosqichida faxrli 2-o‘rin bilan va Guliston shahar 1-son bolalar musiqa va san’at maktabining orkestri “Navro‘z sadolari” birinchi “Xalqaro ko‘p ovozli milliy cholg‘u ansambl va orkestrlar” festivalida 1-darajali diplom bilan takdirlandi.
2014 yilda Guliston san’at kolleji va Guliston shahar 1-son bolalar musiqa va san’at maktabining orkestrlari Toshkent shahrida “Sog‘lom bola” yiliga bag‘ishlab o‘tkazilgan “Ko‘p ovozli” milliy cholg‘ular ansambli va xalq cholg‘ulari orkestrlari festivalida faxrli 1 va 2-o‘rinlarni egalladi.
N.Baxadirov rahbarligidagi Guliston san’at kolleji xalq cholg‘ulari orkestri 2016 yilda O‘zbekiston Davlat Konservatoriyasida bo‘lib o‘tgan II Xalqaro milliy cholg‘u ko‘p ovozli ansambl va orkestrlar konkurs-festivalida faxrli 1-o‘rinni egalladi.
2017 yilda mutaxassislik sinfi o‘quvchisi Sotiboldiev Sunnatillo Toshkent shahrida o‘tkazilgan akademik litsey, madaniyat va san’at kollejlari o‘rtasida o‘tkazilgan “Yosh ijrochilar” ko‘rik-tanlovining respublika bosqichida faxrli 3-o‘ringa sazovor bo‘ldi.
N.Baxadirov boshchiligidagi Guliston shahar 1-sonli bolalar musiqa va san’at maktabining orkestri 2017 yil “Xalq bilan muloqot va inson manfaatlari yili”ga bag‘ishlab, “Ko‘p ovozli” milliy cholg‘ular ansambli va xalq cholg‘ulari orkestrlari festivalida 2-o‘rinni egalladi.
U o‘zining pedogogik mehnat faoliyati davomida ko‘plab natijalarga erishdi.
Jumladan, N.Baxadirov 2012 yil Toshkent shahrida O‘zbekiston Respublikasi birinchi Prezidenti tomonidan tashkil etilgan “Bilimli va aql-zakovatli yetuk avlodni tayyorlash–mamlakatni barqaror rivojlantirish va modernizatsiyalashning muhim sharti” deb nomlangan Xalqaro konferensiyada ishtirok etdi.
2015 yilda O‘zbekiston ta’lim, fan va madaniyat kasaba uyushmasi respublika kengashi tomonidan N.Baxadirov “O‘z kasbining mohir egalari” tadbirining respublika bosqichi g‘olibi deb topildi.
2016 yil O‘zbekiston Respublikasi Madaniyat va sport ishlari vazirligi tomonidan Faxriy yorliq bilan taqdirlandi.
“Kamolot” yoshlar ijtimoiy harakati Guliston shahar kengashi tomonidan tashkil etilgan tadbirlarni yuqori saviyada o‘tkazishda ko‘rsatgan ko‘magi uchun Tashakkurnoma bilan taqdirlangan.
2016 yil Sirdaryo viloyati Prokuraturasi va Sirdaryo viloyati o‘rta maxsus, kasb-hunar ta’limi boshqarmasi tomonidan o‘tkazilgan “Tanlagan kasbim-mening kelajagim” nomli kasblar ko‘rgazmasida N.Baxadirov boshchiligidagi “Xalq cholg‘ulari orkestri” bilan qatnashgan Guliston san’at kolleji faxrli 1-o‘rinni oldi.
2017 yil “Xalq bilan muloqat va inson manfaatlari yili” Davlat dasturida belgilangan vazifalarni targ‘ib etishda jonbozlik ko‘rsatgani uchun “Yilning eng yaxshi orkestri” nominatsiyasi bo‘yicha Sirdaryo viloyati hokimligi tomonidan 1-darajali diplom bilan taqdirlangan.
2017 yilda Sirdaryo viloyati Madaniyat boshqarmasining Ta’lim tizimidagi ko‘p yillik samarali mehnati,”Ta’lim to‘g‘risida”gi, “Kadrlar tayyorlash milliy dasturi” qonunlarini hayotga tadbiq etishda, shuningdek yoshlarni milliy musiqa va san’atimizning noyob durdonalaridan bahramand bo‘lishlarida hamda yosh avlodni tarbiyalashdagi namunali natijalarga erishganligi uchun Faxriy yorlig‘i bilan taqdirlandi.
2017 yil 1 oktyabr “O‘qituvchi va murabbiylar kuni” bayrami munosabati bilan O‘zbekiston Respublikasi Madaniyat vazirligi tomonidan faxriy yorliq bilan taqdirlangan.
2017 yilda “Xalq bilan muloqat va inson manfaatlari yili”ga bag‘ishlab o‘tkazilgan “Ko‘p ovozli” milliy cholg‘ular ansambli va xalq cholg‘ulari orkestrlari festivalida “San’at yo‘lidagi fidoiyligi uchun” N.Baxadirov Sirdaryo viloyati hokimligi tomonidan diplom bilan taqdirlandi.
2018 yil “Navro‘z sadolari” xalqaro festivalida faol qatnashgani uchun “Sog‘lom avlod” jamg‘armasi tomonidan Tashakkurnoma bilan taqdirlandi.
2018 yil “Navro‘z sadolari” xalqaro festivalida “Za soxranenie uzbekskogo kul’turnogo naslediya i narodnogo tvorchestva Uzbekistana, za samootverjennыy trud v muzыkalnom vospitanii molodogo pokoleniya” deb nomlangan Tashkkurnoma bilan “Sog‘lom avlod” jamg‘armasi tomonidan taqdirlangan.
2019 yil “Ixtisoslashtirilgan san’at va madaniyat maktablari, maktab-internatlari, akademik litseylari yosh ijrochilarining respublika tanlovini o‘tkazishdagi faol ishtiroki uchun” Bahadirov Nail Sharifovich O‘zbekiston madaniyat vazirligi tomonidan Tashakkurnoma bilan taqdirlangan. Shu ko‘rik-tanlovda Nail Bahadirovning mutaxassislik sinfi 3-bosqich o‘quvchisi Mamedov Og‘ali (akkordeon) yo‘nalishi bo‘yicha faxrli 1-o‘rinni egalladi.
Bundan tashqari, 2020 yil “Milliy madaniyatimiz va san’atimiz rivojiga qo‘shgan hissasi uchun” Bahadirov Nail Sharifovich O‘zbekiston Respublikasi Prezidenti tomonidan bazaviy hisoblash miqdorining 50 baravari miqdorida bir martalik pul mukofoti bilan rag‘batlantirilgan.
Yana, 2020 yil 1 oktyabr “O‘qituvchilar va murabbiylar kuni” bayrami munosabati bilan Nail Bahadirov O‘zbekiston Respublikasi madaniyat vazirining “Faxriy yorlig‘i” bilan taqdirlandi.
Albatta, rag‘batlar har bir insonning mehnatsevarlik faoliyatining ko‘zgusidir. Ammo insonda rag‘bat bilan o‘lchab bo‘lmaydigan jihatlar ham bor. Uni faqat qalb bilan xis qilish mumkin. Aynan ana shu xis atrofidagi odamlarning e’tirofidir. N.Baxadirov ham shunday odamlar sarasiga kiradi. Jamoadoshlarining e’tirofiga sazovor inson, har biriga chin do‘st va mehribon ustoz sifatida tilga olinadi.