O‘zbekiston Respublikasi Madaniyat vazirligining 2025-yil 26-sentyabrdagi 456-son buyrug‘i hamda Sirdaryo viloyati madaniyat boshqarmasining 2025-yil 16-oktyabrdagi 06-274-son buyrug‘i ijrosini ta’minlash maqsadida Guliston ixtisoslashtirilgan san’at maktabida ijodiy uchrashuv va mahorat darsi tashkil etildi. Mazkur tadbirda O‘zbekiston davlat konservatoriyasi “Maxsus fortepiano” kafedrasi o‘qituvchisi, v.b. dotsent Umarova Vasila Alisherovna, “Kamer musiqasi” kafedrasi o‘qituvchisi, professor Muxammedjanova Zaxro Sotvoldiyevna hamda “Fakultetlararo fortepiano ijrochiligi” kafedrasi o‘qituvchisi, v.b. dotsent Elmurodova Gulrux Axmadjonovna ishtirok etdilar. Uchrashuv davomida o‘quvchilarga fortepiano ijrochiligi sir-asrorlari, sahna madaniyati, ijro texnikasi va musiqa asarlarini chuqur his etish bo‘yicha qimmatli tavsiyalar berildi. Mahorat darsi jarayonida o‘quvchilar ustozlardan bevosita saboq olib, o‘z mahoratlarini yanada oshirish imkoniyatiga ega bo‘ldilar. Tadbir yakunida bunday ijodiy uchrashuv va mahorat darslarini kelgusida doimiy ravishda tashkil etib borish yuzasidan o‘zaro kelishuvga erishildi hamda hamkorlikni yanada rivojlantirishga kelishib olindi.

Guliston ixtisoslashtirilgan san’at maktabining bir qator mahoratli ustozlari Sirdaryo viloyati televideniyesida efirga uzatiladigan “Juma oqshomi” ko‘ngilochar dasturida ishtirok etishdi. Ushbu ishtirokdan asosiy maqsad ustozlarning o‘z kasbiy mahoratini keng jamoatchilikka namoyish etish, ta’lim muassasasida yaratilgan zamonaviy sharoitlar va imkoniyatlar haqida batafsil ma’lumot berishdan iborat bo‘ldi. Shuningdek, dastur davomida maktabda faoliyat yuritayotgan yo‘nalishlar, o‘quvchilarning erishayotgan yutuqlari hamda ta’lim sifati haqida ham atroflicha so‘z yuritildi. Bundan tashqari, efir orqali 2026/2027 o‘quv yili uchun iqtidorli va san’atga qiziqishi yuqori bo‘lgan yoshlarni maktabga jalb etish, ularni qamrab olish bo‘yicha olib borilayotgan targ‘ibot ishlari ham keng yoritildi. Ustozlar tomonidan san’atning turli yo‘nalishlari bo‘yicha amaliy chiqishlar, ijodiy namoyishlar tashkil etilib, tomoshabinlarda katta qiziqish uyg‘otdi. Mazkur ishtirok nafaqat maktab faoliyatini keng ommaga tanishtirish, balki yosh avlodni san’atga oshno etish, ularning bo‘sh vaqtini mazmunli tashkil etishga xizmat qilishi bilan ham ahamiyatlidir.

Maktabimizning faol hayotidan lavhalar

Maktabimizning faol hayotidan lavhalar

Maktabimizning faol hayotidan lavhalar