2026-yil 11-sentyabr kuni Guliston ixtisoslashtirilgan san’at maktabida Guliston shahar Ichki ishlar bo‘limi xodimlari ishtirokida o‘qituvchilar va o‘quvchilar bilan kiberjinoyatlarning oldini olish hamda uning salbiy oqibatlari yuzasidan targ‘ibot-tushuntirish tadbiri o‘tkazildi.
Tadbir davomida Ichki ishlar bo‘limi xodimlari tomonidan bugungi kunda internet va axborot texnologiyalaridan foydalanish jarayonida uchrayotgan kiberjinoyatlar, internet firibgarligi, begona shaxslar tomonidan shaxsiy ma’lumotlarni qo‘lga kiritish, bank karta ma’lumotlari va maxfiy kodlarni oshkor qilmaslik, shubhali havolalarga kirmaslik kabi masalalar haqida batafsil tushuntirish berildi.
Shuningdek, o‘quvchilarga ijtimoiy tarmoqlardan foydalanishda ehtiyotkor bo‘lish, noma’lum shaxslar bilan muloqot qilmaslik, shaxsiy ma’lumotlarni begona kishilarga bermaslik hamda turli xil firibgarlik holatlariga aldanib qolmaslik bo‘yicha tavsiyalar berildi.
Tadbir davomida kiberjinoyatlarning insonlarning moddiy va ma’naviy holatiga salbiy ta’siri, uning qonuniy oqibatlari haqida ham tushuntirish ishlari olib borildi. O‘qituvchilarga esa o‘quvchilar o‘rtasida internet xavfsizligi va kiberjinoyatlarning oldini olish bo‘yicha muntazam profilaktik-targ‘ibot ishlarini olib borish tavsiya etildi.